يا كــبــر ذنــبــه
--------------------------------------------------------------------------------
مرات يفهمني غلط لا نصحتـه
غير الكلام اللي تقولـه عيونـه
أنا أدري في كلامـي جرحتـه
بس العتب سر القلوب الحنونـه
ماني بقايل وش خذا وش منحته
والله ماني ذاخراً شـيء دونـه
العمر لامني جمعت وطرحتـه
انشهـد انـه مايسـاوي بدونـه
ماهوب خاسرني مني ماربحتـه
وبالذات مني ما تجيه المهونـه
ياكبر ذنبه لا شكيتـه وصحتـه
وشلون أخونه عاد وشلون أخونه
يمكن لو أكشف له غلاته ذبحته
ليته يصدقنـي ويكـذب ظنونـه
شافوه بعيوني وقالـوا فضحتـه
وشلون لو شافوا بقلبي طعونـه
يكفي أمر البيت لو مـا لمحتـه
راعي الهوى مرات قلبه عيونـه